போதை பொருள் விற்ற வாலிபருக்கு 10 ஆண்டு சிறை

சென்னை: போதை பொருள் விற்ற வழக்கில், கைதான வாலிபருக்கு 10 ஆண்டு சிறை தண்டன விதித்து, சென்னை சிறப்பு நீதிமன்றம் தீர்ப்பளித்துள்ளது. சென்னை, எருக்கஞ்சேரியைச் சேர்ந்த ராஜா, 28, என்பவரை, 'மெத்ஆம்பெட்டமைன்' எனும் போதை பொருள் விற்பனை செய்ததாக, 2019, டிச., 24ல் போதை பொருள் கடத்தல் தடுப்புப்பிரிவு போலீசார் கைது செய்தனர். அவரிடம் இருந்து 6 கிலோ போதைப்பொருள் பறிமுதல் செய்யப்பட்டது. இந்த வழக்கு, சென்னை போதை பொருள் தடுப்பு வழக்குகளுக்கான இரண்டாவது கூடுதல் சிறப்பு நீதிமன்ற நீதிபதி எஸ்.கோவிந்தராஜன் முன் நடந்தது. வழக்கை விசாரித்த நீதிபதி, ராஜா மீதான குற்றச்சாட்டு சந்தேகத்துக்கு இடமின்றி நிரூபிக்கப்பட்டு உள்ளது எனக்கூறி, அவருக்கு 10 ஆண்டு கடுங்காவல் சிறை தண்டனை, ஒரு லட்சம் ரூபாய் அபராதம் விதித்து தீர்ப்பளித்தார்.