சொத்து பிரச்னையால் தகராறு மூதாட்டியை தாக்கிய மூவர் கைது

மதுரவாயல்: சொத்து பிரச்னையில், மூதாட்டியை தாக்கிய பெண்கள் உட்பட மூவரை போலீசார் கைது செய்தனர். மதுரவாயல், பூந்தமல்லி நெடுஞ்சாலையை சேர்ந்தவர் சீமாத்தான். முதல் மனைவி இறந்த நிலையில், கிருஷ்ணவேணியை,62,இரண்டாவதாக சீமாத்தான் திருமணம் செய்துள்ளார். இவர்களது மகள் முருகேஸ்வரி. கடந்த 2014ல் சீமாத்தான் உயிரிழந்தார். கிருஷ்ணவேணி வசிக்கும் வீட்டின் மீது, அவரது முதல் மனைவி யின் மகன் பாலசுந்தரம், 53 மற்றும் இருமகள்கள் உரிமை கோரி வழக்கு தொடர்ந்தனர். கிருஷ்ணவேணிக்கு ஆதரவாக தீர்ப்பு வந்துள்ளது. நேற்று முன்தினம், கிருஷ்ணவேணி வீட்டை புதுப்பிக்கும் பணியில் ஈடுபட்டார். அப்போது, அங்கு வந்த பாலசுந்தரம், அவரது மனைவி ஆதிலட்சுமி, சகோதரி கற்பகம் ஆகியோர், கிருஷ்ண வேணியிடம் தகராறு செய்தனர். கிருஷ்ண வேணியையும், அவரது மகள் முருகேஸ்வரியையும், மூவரும் சேர்ந்து தாக்கியுள்ளனர். காயமடைந்த இருவரும், மதுரவாயல் காவல் நிலையத்தில் புகார் அளித்தனர். விசாரித்த போலீசார், பாலசுந்தரம், ஆதிலட்சுமி, 49, திருவேற்காடைச் சேர்ந்த கற்பகம், 56, ஆகியோரை, நேற்று கைது செய்து சிறையில் அடைத்தனர்.