கோவையில் 2 தொழில்நுட்ப பூங்கா: அரசுடன் ஒப்பந்தம் கையெழுத்து

கோவை: முதல்வர் ஸ்டாலின் தலைமையில் நடைபெற்ற, முதலீட்டு மாநாட்டில், டேன்னி ஷெல்டர்ஸ் நிறுவனம் தமிழக அரசுடன் புரிந்துணர்வு ஒப்பந்தம் கையெழுத்திட்டுள்ளது. இதன் வாயிலாக, ரூ.700 கோடி முதலீட்டில் இரண்டு தொழில்நுட்ப பூங்காக்கள் அமைக்கப்படவுள்ளன. இதனால் கோவை, திருப்பூர், ஈரோடு மாவட்டங்களில் ஆயிரக்கணக்கான வேலைவாய்ப்பு உருவாகும். ''எதிர்கால தொழில்நுட்பம் மற்றும் நிறுவன வளர்ச்சியை முன்னெடுக்கும் நோக்கில், இந்த புதிய தலைமுறை பூங்காக்கள் அமைக்கப்படும். பசுமை மற்றும் நிலைத்தன்மையுடன் கூடிய வளாகங்கள், உலகளாவிய நிறுவனங்களுக்கு ஏற்ற நவீன கட்டமைப்புகள், டிஜிட்டல் சூழல்கள் இங்கு இருக்கும். இது கோவையில் பொருளாதார வளர்ச்சியை வேகப்படுத்தும்,” என டேன்னி ஷெல்டர்ஸ் மேலாண்மை இயக்குனர் சிவராமன் கந்தசாமி கூறினார்.