படிவத்தை திருப்பி தர கலெக்டர் வேண்டுகோள்

கோவை: நிரப்பிய படிவங்களை திருப்பி கொடுத்தால் தான், வாக்காளர் பட்டியலில் பெயர் இடம் பெறும் என்று கலெக்டர் தெரிவித்துள்ளார். வாக்காளர் பட்டியல் சிறப்பு தீவிர திருத்தமுறை பணி, நவ. 4 முதல் நடக்கிறது. பூர்த்தி செய்த படிவத்தை வீடுகளுக்கே சென்று திரும்ப பெற்று, கணினியில் பதிவேற்றும் வேலை இப்போது வேகமாக நடந்து வருகிறது. டிச. 4ல் இது முடிகிறது. அவகாசம் இருப்பதால் பலர் படிவங்களை திரும்ப தராமல் உள்ளனர். அத்தகைய வாக்காளர்களின் பெயர்கள், வரைவு வாக்காளர் பட்டியலில் இடம் பெறாது என்பதால், தாமதிக்காமல் பூர்த்தி செய்த படிவத்தை ஓட்டுச்சாவடி நிலைய அலுவலரிடம் வழங்குமாறு, கோவை கலெக்டர் பவன்குமார் கூறியுள்ளார்.