தினமலர் - பட்டம் இதழ் படித்தால் ஜொலிக்கலாம்! ஆரோக்கிய மாதா மெட்ரிக் பள்ளி மாணவர்கள் அசத்தல்

பொள்ளாச்சி: 'தினமலர்' நாளிதழின் மாணவர் பதிப்பான, 'பட்டம்' இதழ் மற்றும் எஸ்.என்.எஸ். கல்விக்குழுமம் சார்பில், 'பதில் சொல் - பரிசை வெல்' வினாடி - வினா போட்டி, பொள்ளாச்சி மகாலிங்கபுரம் ஆரோக்கிய மாதா மெட்ரிக் மேல்நிலைப்பள்ளியில் நடந்தது. மாணவர்களின் கற்றல் ஆர்வத்தையும், நுண்ணறிவு திறனை ஊக்குவித்து, படிப்பின் மீதான ஆர்வத்தை விரிவுப்படுத்துவதற்காக, 'தினமலர்' நாளிதழ், 'பட்டம்' இதழ் சார்பில் மெகா வினாடி - வினா போட்டிகள் ஆண்டுதோறும் நடத்தப்பட்டு வருகின்றன. நடப்பாண்டு, 'தினமலர்' நாளிதழின், 'பட்டம்' இதழ் மற்றும் எஸ்.என்.எஸ். கல்விக்குழுமம் இணைந்து நடத்தும் வினாடி - வினா போட்டிக்கு, 'சத்யா ஏஜென்சிஸ்' மற்றும் 'ஸ்போர்ட்ஸ் லேண்ட்' நிறுவனங்கள், 'கிப்ட்' 'ஸ்பான்சர்'களாக இணைந்துள்ளன. இப்போட்டியில், கோவை, திருப்பூர், நீலகிரி மாவட்டங்களில் இருந்து, 150க்கும் மேற்பட்ட பள்ளி மாணவர்கள் பங்கேற்கின்றனர். பள்ளி அளவில் முதலிடம் பிடிக்கும் அணிகள், அரையிறுதிக்கு தகுதி பெறுவர். அவர்களில் இருந்து தேர்வாகும் எட்டு அணியினர், இறுதிப்போட்டியில் பங்கேற்பர்.இறுதிப்போட்டியில் வெற்றி பெறும் மாணவர்களுக்கு பரிசுகள் வழங்கப்படவுள்ளன. இதன் ஒரு பகுதியாக, பொள்ளாச்சி மகாலிங்கபுரம் ஆரோக்கிய மாதா மெட்ரிக் மேல்நிலை பள்ளியில் வினாடி - வினா போட்டி நடந்தது. தகுதிச்சுற்றில், 60 மாணவர்கள் பங்கேற்றனர். அதில், அதிக மதிப்பெண் பெற்ற, 16 மாணவ, மாணவியர், எட்டு அணிகளாக பிரிக்கப்பட்டு பள்ளியளவில் இறுதிப்போட்டியில் பங்கேற்றனர். மூன்று சுற்றுகளாக நடந்த விறுவிறுப்பான இறுதி போட்டியில், 'ஏ' அணி முதல் பரிசை வென்றது. அந்த அணியில் இடம் பெற்ற ஒன்பதாம் வகுப்பு மாணவர் அப்னான் தமீஸ், எட்டாம் வகுப்பு மாணவர் அபய் கிருஷ்ணா ஆகியோர் அரையிறுதி சுற்றுக்கு தகுதி பெற்றனர். அவர்களுக்கு சிறப்பு பரிசுகள் வழங்கப்பட்டன. இறுதி போட்டியில் பங்கேற்ற அனைத்து மாணவர்களுக்கும் ஒருங்கிணைப்பாளர்கள் லதா, டெய்சி ஞானா, பள்ளி தாளாளர் சிஸ்டர் லதா, ஆசிரியர்கள் அன்னாள் அமுதா, தமிழ்செல்வி ஆகியோர், பதக்கங்கள் மற்றும் சான்றிதழ்களை வழங்கி பாராட்டினர். துாண்டுகோல் பள்ளி முதல்வர் ெஹலன் மரியா கூறுகையில், ''பட்டம் இதழ் மாணவர்களின் படிப்பு, நினைவாற்றலையும், வாசிப்புத்திறனையும் மேம்படுத்தும் வகையில் உள்ளது.'பட்டம்' இதழில் வெளிவரும் பல்வேறு அறிவு சார்ந்த விபரங்கள், மாணவர்களின் அறிவுத்திறனை மேம்படுத்தும் துாண்டுகோலாக உள்ளது. வளர்ந்து வரும், 'ஏஐ' தொழில் நுட்பத்துக்கு இணையாக மாணவர்களின் அறிவை வளர்த்துக்கொள்ளவும், ஓய்வு நேரத்தை பயனுள்ள வகையில் செலவிடவும், 'பட்டம்' இதழ், பெரிதும் உதவுகிறது,'' என்றார்.

கைகொடுக்கும் 'பட்டம்' இதழ்

மாணவர் அப்னான் தமீஸ் கூறுகையில், ''பட்டம் இதழ் படிப்பதால் பொது அறிவை வளர்த்துக்கொள்ள முடிகிறது. தமிழ் மொழியின் வாசிப்பு திறனை மேம்படுத்த முடிகிறது. 'பட்டம்' இதழை தொடர்ந்து படிப்பதால் போட்டித் தேர்வுகளை எளிமையாக எதிர்கொண்டு தேர்ச்சி பெற முடியும்,'' என்றார். மாணவர் அபய் கிருஷ்ணா கூறுகையில், ''பட்டம் இதழ் படிக்கும் போது பல்வேறு துறை சார்ந்த விபரங்களை அறிந்து கொள்ள முடிகிறது. பேச்சு, மொழித்திறன் மேம்படுத்தவும் உறுதுணையாக உள்ளது. அனைத்து தகவல்களையும் அறிந்து கொள்ள பட்டம் இதழ் கை கொடுக்கிறது. பாடத்திட்டம் தாண்டிய பல்வேறு தகவல்களை தெரிந்து கொள்ள முடிகிறது,'' என்றார்.