தோட்டக்கலை இயக்கத்தால் 9,000 விவசாயிகளுக்கு பயன்

கோவை: தோட்டக்கலை மற்றும் மலைப்பயிர் துறை வாயிலாக, ரூ.15.38 கோடி நிதி வழங்கியதின் வாயிலாக மாவட்டத்தில் 9,105 விவசாயிகள் பயனடைந்துள்ளனர். தோட்டக்கலைத்துறை மூலம் தேசிய தோட்டக்கலை இயக்க திட்டத்தின் கீழ் பசுமைக்குடில் அமைத்தும், உயர் தொழில்நுட்ப நீரியல் வளர்ப்பு முறையில் தோட்டக்கலைத்துறை பயிர்களை சாகுபடி செய்துள்ளனர். 40 சதவீத மானியத்தில் தோட்டகலை பயிர்கள் பரப்பு அதிகரிக்கப்பட்டுள்ளது. பழைய தோட்டங்கள் புதுப்பிக்கப்பட்டுள்ளது. 50 சதவீத மானியத்தில் நீர் சேமிப்பு கட்டமைப்பு, பசுமைக்குடில் அமைக்கப்பட்டுள்ளது. நிழல்வலை கூடாரம், நிலப்போர்வை அமைத்தல், ஒருங்கிணைந்த உரம் மற்றும் பயிர் பாதுகாப்பு மேலாண்மை, தரம்பிரித்து சிப்பம் கட்டும் அறை, வெங்காய சேமிப்புக்கிடங்கு, நடமாடும் விற்பனை ஊர்தி உள்ளிட்டவை மேம்படுத்தப்பட்டுள்ளது. நான்கரை ஆண்டுகளில் ரூ. 15.38 கோடி மதிப்பில் , 9,105 பயனாளிகள் பயனடைந்துள்ளதாக, கலெக்டர் பவன் குமார் கூறினார்.