நவதானியத்தில் நூடுல்ஸ், பரோட்டா! அரசு பள்ளி உணவு திருவிழாவில் அடடா

காந்திமாநகர்: காந்திமாநகர் அரசு உயர்நிலைப்பள்ளியில், மாணவர்களிடையே ஆரோக்கியம் குறித்த விழிப்புணர்வை ஏற்படுத்தும் வகையில், 'பாரம்பரிய உணவுத் திருவிழா - 2025' நடைபெற்றது. காந்திமாநகர் அரசு உயர்நிலைப்பள்ளியில் கடந்த 5 ஆண்டுகளாக, பாரம்பரிய உணவுத் திருவிழா நடத்தப்பட்டு வருகிறது. இந்த ஆண்டு நடந்த விழாவில், மாணவர்கள் தங்கள் தாத்தா, பாட்டி மற்றும் பெற்றோரின் ஆலோசனையின்படி, தங்களுக்குப் பிடித்த நவீன உணவுகளை, பாரம்பரிய முறைப்படி சமைத்து எடுத்து வந்திருந்தனர். இதில், நவதானியங்கள் மற்றும் சிறுதானியங்களைப் பயன்படுத்தி தயாரிக்கப்பட்ட நூடுல்ஸ் மற்றும் பரோட்டா, பலரின் பாராட்டை பெற்றது. தலைமையாசிரியர் விஜயலட்சுமி கூறுகையில், மாணவர்களுக்குப் பிடித்தமான பாஸ்ட் புட் வகை உணவுகளை, உடல்நலத்திற்குத் தீங்கு விளைவிக்காத வகையில் சத்தான பொருட்களைக் கொண்டு சமைத்து உண்ண, அவர்களை ஊக்குவிப்பதே விழாவின் நோக்கம், என்றார். சிறந்த உணவு தயாரித்த மாணவர்களுக்குப் பரிசுகள் வழங்கப்பட்டன. 6 முதல் 8ம் வகுப்பு பிரிவில், 6ம் வகுப்பு மாணவன் முகமது சல்மான் முதலிடத்தையும், 7ம் வகுப்பு மாணவர்கள் ரிதன்யா மற்றும் தனுஷ் கிருபாகரன் ஆகியோர் அடுத்தடுத்த இடங்களையும் பிடித்தனர். 9 மற்றும் 10ம் வகுப்பு பிரிவில், 9ம் வகுப்பு மாண வர்கள் கேசவ் சுகிர்தன், சுரேஷ் பாபு மற்றும் வித்யா ரோஷன் ஆகியோர் முறையே, முதல் மூன்று இடங்களைப் பிடித்து அசத்தினர்.