உள்ளூர் செய்திகள்

/ உள்ளூர் செய்திகள் / கோயம்புத்தூர் /  பொங்கலுக்கு முன் ரோடு சீரமைக்க வேண்டுகோள்

 பொங்கலுக்கு முன் ரோடு சீரமைக்க வேண்டுகோள்

வால்பாறை: வால்பாறை நகரில் இருந்து, 6 கி.மீ., தொலைவில் அமைந்துள்ளது ஈட்டியார் எஸ்டேட். இங்குள்ள மாரியம்மன் கோவில் பிரசித்தி பெற்றது. ஆண்டு தோறும் பொங்கல் பண்டிகையின் போது, மாடசுவாமி வேட்டைக்கு செல்லும் நிகழ்ச்சியின் போது, பல்வேறு எஸ்டேட் பகுதியிலிருந்தும் ஆயிரக்கணக்கான பக்தர்கள் கலந்து கொள்கின்றனர். இந்நிலையில், ஈட்டியார் எஸ்டேட் பகுதிக்கு செல்லும் ரோடு கடந்த, 20 ஆண்டுகளுக்கு மேலாக சீரமைக்கப்படாமல் உள்ளது. கரடு, முரடாக உள்ள இந்த ரோட்டில் ஆம்புலன்ஸ் கூட சென்று வர முடியாத நிலையில், தொழிலாளர்கள் அவதிக்குள்ளாகின்றனர். தொழிலாளர்கள் கூறியதாவது: வனவிலங்குகள் நடமாட்டம் மிகுந்த ஈட்டியார் எஸ்டேட் பகுதியில் ஒரு கி.மீ., துாரம் உள்ள ரோட்டை சீரமைக்க பல ஆண்டுகளாக போராடி வருகிறோம். எந்த அதிகாரியும் கண்டு கொள்வதில்லை. வால்பாறையில் உள்ள பல்வேறு எஸ்டேட் பகுதி ரோடுகளை நகராட்சி சார்பில் சீரமைக்கும் பணி தற்போது நடக்கிறது. இதே போல் ஈட்டியார் எஸ்டேட் ரோட்டையும் பொங்கல் பண்டிகைக்கு முன்பாக நகராட்சி சார்பில் சீரமைக்க வேண்டும். இவ்வாறு, கூறினர்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்







புதிய வீடியோ