மக்கள் விரும்பும் கூட்டணி அமையும்; பிரேமலதா பேச்சு

சூலுார்: தே.மு.தி.க., சார்பில், 'உள்ளம் தேடி இல்லம் நாடி' யாத்திரை மற்றும் பூத் ஏஜெண்டுகள் கலந்தாய்வு கூட்டம், சூலுாரில் நடந்தது. பொதுச்செயலாளர் பிரேமலதா பேசுகையில், ''ஆண்ட கட்சிக்கும், ஆளும் கட்சிக்கும் இணையாக பூத் ஏஜென்டுகள் நியமித்து, சிம்ம சொப்பனமாக தே.மு.தி.க., இருக்கிறது. சூலுார் தொகுதியில் ஏற்கனவே வெற்றி பெற்றுள்ளோம். மீண்டும் அதை தக்க வைக்க, கடுமையாக தேர்தல் பணியாற்ற வேண்டும். 2026 சட்டசபை தேர்தலில் மக்கள் விரும்பும் கூட்டணி அமையும். கூட்டணி ஆட்சி அமைந்தால், அதில் தே.மு.தி.க., அங்கம் வகிக்கும். வரும் ஜனவரியில் கூட்டணி முடிவாகும். எத்தனை தொகுதிகள், யார் வேட்பாளர்கள் என, அப்போது அறிவிக்கப்படும்,''என்றார். பொருளாளர் சுதீஷ், மாவட்ட செயலாளர் வனிதா, ஒன்றிய செயலாளர்கள் கோபாலகிருஷ்ணன், பாலு, சூலுார் நகர செயலாளர் செந்தில் உள்ளிட்ட பலர் பங்கேற்றனர்.