ரயிலில் பாய்ந்து கள்ளக்காதல் ஜோடி தற்கொலை

ஒட்டன்சத்திரம்: ஒட்டன்சத்திரம் அருகே ரயில் முன் பாய்ந்து கள்ளக்காதல் ஜோடி தற்கொலை செய்து கொண்டது . ஒட்டன்சத்திரம் சாலைப்புதுாரை சேர்ந்தவர் காளிமுத்து 27. 10 ஆண்டுகளுக்கு மேலாக கோவையில் தனியார் கம்பெனியில் பணிபுரிந்து வந்தார். கன்னிவாடியை சேர்ந்த சந்தானகுமார் மனைவி ஜெயலட்சுமி 38, திருப்பூரில் தங்கி 15 ஆண்டுகளுக்கு மேலாக தனியார் கம்பெனியில் பணிபுரிந்து வந்தார். உறவினர் என்பதால் காளிமுத்து அடிக்கடி ஜெயலட்சுமி வீட்டிற்கு சென்று வந்தார். இதில் இருவருக்கும் பழக்கம் ஏற்பட்டு கள்ளகாதலாக மாறியது. இதைஅறிந்த குடும்பத்தினர் இருவரையும் கண்டித்தனர். மனமுடைந்த காளிமுத்து, ஜெயலட்சுமி ஒட்டன்சத்திரம் - அக்கரைப்பட்டி இடையே கோவையில் இருந்து மதுரை சென்ற ரயில் முன் பாய்ந்து தற்கொலை செய்து கொண்டனர். பழநி ரயில்வே போலீசார் விசாரிக்கின்றனர்.