முடி காணிக்கை மையம் டிச.8ல் செயல்படாது

பழநி: பழநி திருஆவினன்குடி கும்பாபிஷேகம் டிச. 8 நடைபெறுவதால் சரவணப் பொய்கை முடி காணிக்கை மையம் அன்று ஒரு நாள் செயல்படாது என கோயில் நிர்வாகம் தெரிவித்துள்ளது. பழநி கோயில் நிர்வாகத்தின் கட்டுப்பாட்டில் உள்ள திருஆவினன்குடி குழந்தைவேலாயுத சுவாமி கோயில் கும்பாபிஷேகம் டிச. 8 காலை 6:00 மணிக்கு நடைபெற உள்ளது. இதற்கு பக்தர்கள் அதிக அளவில் வருவதால் நெரிசலை கட்டுப்படுத்த , பக்தர்களின் பாதுகாப்பு கருதி டிச.8 ஒரு நாள் மட்டும் சரவணப் பொய்கை முடிகாணிக்கை மையம் செயல்படாது. முடிகாணிக்கை செலுத்த விரும்பும் பக்தர்கள் கிரிவீதி ஒருங்கிணைந்த புது முடி மண்டபம், தண்டபாணி நிலைய முடிமண்டபம், கிரி வீதி குறிஞ்சி விடுதி முடிகாணிக்கை மண்டபம், கிரி வீதி வின்ச் ஸ்டேஷன் முடிகாணிக்கை மண்டபம், சண்முக நதி முடிகாணிக்கை மண்டபம் ஆகியவற்றில் முடி காணிக்கை செலுத்தலாம் என கோயில் நிர்வாகம் தெரிவித்துள்ளது.