பேரூராட்சி கவுன்சில் கூட்டங்கள்

வடமதுரை: வடமதுரை பேரூராட்சி கவுன்சில் கூட்டம் தலைவர் நிருபாராணி தலைமையில் நடந்தது. செயல் அலுவலர் பத்மலதா, துணை தலைவர் மலைச்சாமி முன்னிலை வகித்தனர். கவுன்சிலர் கணேசன் வரவேற்றார். காந்திசிலை பின்புறம் கட்டப்படும் புதிய பேரூராட்சி அலுவலகத்திற்கு இடையூறாக இருக்கும் மின்கம்பத்தை மாற்றுவது உள்ளிட்ட பல தீர்மானங்கள் நிறைவேற்றப்பட்டது. அய்யலுார் பேரூராட்சி கூட்டம் தலைவர் கருப்பன் தலைமையில் நடந்தது. செயல் அலுவலர் பத்மலதா, துணைத் தலைவர் செந்தில் முன்னிலை வகித்தனர். கொன்னையம்பட்டி பாலத்திற்கு எதிரான வழக்கு, செலவு குறித்து விவாதிக்கப்பட்டது. எரியோடு பேரூராட்சியில் தலைவர் முத்துலட்சுமி தலைமையில் நடந்தது. செயல் அலுவலர் சையது அபுதாகிர் முன்னிலை வகித்தார். மாற்றுத்திறனாளி நியமன உறுப்பினர் முருகனுக்கு பதவி பிரமானம் செய்து வைக்கப்பட்டது. சின்னாளபட்டி பேரூராட்சி கூட்டம் தலைவர் பிரதீபா(தி.மு.க.,) தலைமையில் நடந்தது. செயல் அலுவலர் இளவரசி முன்னிலை வகித்தார். துணைத்தலைவர் ஆனந்தி(தி.மு.க.,) வரவேற்றார். பிறப்பு, இறப்பு பதிவு, வரி வசூல் நிலுவை, தெரு நாய்களுக்கு கருத்தடை அறுவை சிகிச்சை மையம் அமைக்க ஏற்பாடு ஆகியவற்றிற்கு ஒப்புதல் அளித்து தீர்மானங்கள் நிறைவேற்றப்பட்டன.