பேராசிரியர் வீட்டில் 7 பவுன் நகை கொள்ளை

பெருந்துறை, பெருந்துறை அடுத்த தோப்புபாளையத்தில் தனியார் கல்லுாரி சார்பில், அதன் ஊழியர்களுக்கான அடுக்குமாடி குடியிருப்பு உள்ளது. இங்கு கல்லுாரி உதவி பேராசிரியர் நவநீதகிருஷ்ணன், 35, மனைவி மற்றும் மகனுடன் வசிக்கிறார். மனைவி இரண்டாவது பிரசவத்துக்காக கடந்த, 26ம் தேதி மருத்துவமனையில் அனுமதிக்கப்பட்டார். இதனால் நவநீதகிருஷ்ணன் மனைவியுடன் இருந்து வந்தார். நேற்று வீட்டுக்கு சென்றபோது, வீட்டின் பூட்டு உடைக்கப்பட்டிருந்தது. பீரோவில் வைத்திருந்த ஏழு பவுன் நகை திருட்டு போனது தெரிய வந்தது. அவர் புகாரின்படி பெருந்துறை போலீசார் விசாரணை நடத்தினர். தடயவியல் நிபுணர்களும் கைரேகைகளை சேகரித்தனர். மோப்ப நாய் சோதனையும் நடந்தது.