மருத்துவ முகாம்

கள்ளக்குறிச்சி: பிரம்மகுண்டம் அரசு பள்ளியில் நலம் காக்கும் ஸ்டாலின் திட்ட மருத்துவ முகாம் இன்று (29ம் தேதி) நடக்கிறது. முகாமில், பொது மருத்துவம், இருதய மருத்துவம், எலும்பு, நரம்பியல், தோல், மகப்பேறு, குழந்தைகள், நுழையீரல், அறுவை சிகிச்சை, கண் மருத்துவம் உள்ளிட்ட 17 வகையான சிறப்பு மருத்துவ நிபுணர்கள் கொண்டு மருத்துவ சேவைகள் வழங்க உள்ளனர். முகாமில் பங்கேற்கும் அனைவருக்கும் ரத்த பரிசோதனை, இ.சி.ஜி., உள்ளிட்ட பரிசோதனைகள் இலவசமாக செய்யப்படும். முதல்வரின் மருத்துவ காப்பீட்டு அட்டை மற்றும் மாற்றுத்திறனாளிகள் மருத்துவ சான்றிதழ்கள் வழங்க ஏற்பாடு செய்யப்பட்டுள்ளது. முகாமில் பங்கேற்போர் ஆதார் அட்டை எடுத்து வர வேண்டும் என தெரிவிக்கப்பட்டு உள்ளது.