கள்ளக்குறிச்சி கமிட்டியில் ரூ.2.42 லட்சம் வர்த்தகம்

கள்ளக்குறிச்சி: கள்ளக்குறிச்சி மார்க்கெட் கமிட்டியில் 2.42 லட்சம் ரூபாய்க்கு வர்த்தகம் நடந்தது. கள்ளக்குறிச்சி மார்க்கெட் கமிட்டிக்கு நேற்று மக்காச்சோளம் 100 மூட்டை, எள் 8, ஆமணக்கு 3, உளுந்து ஒரு மூட்டை என 112 மூட்டை விளை பொருட்களை விவசாயிகள் கொண்டு வந்தனர். சராசரியாக ஒரு மூட்டை மக்காச்சோளம் 1,740, எள் 5,805, ஆமணக்கு 6,150, உளுந்து 3,700 ரூபாய்க்கு கொள்முதல் செய்யப்பட்டது. கமிட்டியில் நேற்று மொத்தமாக 2 லட்சத்து 42 ஆயிரத்து 599க்கு வர்த்தகம் நடந்தது. இதேபோல், சின்னசேலம் மார்க்கெட் கமிட்டிக்கு மக்காச்சோளம் 20 மூட்டைகள் கொள்முதல் செய்யப்பட்டன. ஒரு மூட்டை மக்காச்சோளம் 1,570 ரூபாய் என மொத்தம் 31 ஆயிரத்து 400 ரூபாய்க்கு வர்த்தகம் நடந்தது. தியாகதுருகம் கமிட்டியில் நெல் 17 மூட்டை, கம்பு 3 மூட்டை என மொத்தம் 20 மூட்டை வரத்து இருந்தது. சராசரியாக நெல் 2,150 ரூபாய், கம்பு 3,139 ரூபாய்க்கு கொள்முதல் செய்யப்பட்டது. மொத்தம் 36 ஆயிரத்து 592 ரூபாய்க்கு வர்த்தகம் நடந்தது.