ஆலப்பாக்கம் வேலம்மாள் பள்ளி கூடைப்பந்து போட்டியில் வெற்றி

சென்னை: சென்னையில் நடந்த மாவட்ட அளவிலான பள்ளிகளுக்கு இடையிலான கூடைப்பந்து போட்டியில், சென்னை ஆலப்பாக்கம் வேலம்மாள் வித்யாலயா பள்ளி அணி சாம்பியன் கோப்பையை வென்றது. யூனியன் கிறிஸ்துவ பள்ளி சார்பில், 20வது 'சிலாம் பெஸ்ட்' எனும் சென்னை மாவட்ட கூடைப்பந்து போட்டி, சென்னை சேத்துப்பட்டில் நடந்தது. இதில் இருபாலரிலும் 24 பள்ளி அணிகள் பங்கேற்றன. இதன் ஆண்கள் 14 வயதுக்கு உட்பட்டோர் பிரிவில் போட்டியிட்ட ஆலப்பாக்கம் வேலம்மாள் பள்ளி அணி, தன் அசத்தலான ஆட்டத்தால், அதிக புள்ளிகள் பெற்று, அந்த பிரிவின் சாம்பியன் பட்டத்தை கைப்பற்றியது. இரண்டாவது இடத்தை வேலம்மாள் இன்டர்நேஷனல் பள்ளியும், மூன்றாவது இடத்தை பி.எஸ்., சீனியர் பள்ளியும் இடம்பிடித்துள்ளன.