ஸ்ரீபெரும்புதுாரில் தி.மு.க., பொதுக்கூட்டம்

ஸ்ரீபெரும்புதுார்: ஸ்ரீபெரும்புதுார் நகர தி.மு.க., சார்பில், நேற்று முன்தினம் துணை முதல்வர் உதயநிதி பிறந்தநாள் விழா மற்றும் பொதுக்கூட்டம் நடந்தது. ஸ்ரீபெரும்புதுார் நகர தி.மு.க., செயலர் ரா. சத்தீஸ்குமார் தலைமை தாங்கினார். ஸ்ரீபெரும்புதுார் தி.மு.க., -- எம்.பி., பாலு, நீலகிரி தி.மு.க., - எம்.பி., ராஜா பங்கேற்று சிறப்புரை ஆற்றினர். அதை தொடர்ந்து, ஸ்ரீபெரும்புதுார் நகராட்சியில் உள்ள 15 வார்டுகளைச் சேர்ந்த இளைஞர்களுக்கு, 2.40 லட்சம் ரூபாய் மதிப்பிலான, விளையாட்டு உபகரணங்கள் மற்றும் நலத்திட்ட உதவிகள் வழங்கினர். இதில், காஞ்சிபுரம் மாவட்ட ஊராட்சி குழு தலைவர் படப்பை மனோகரன், ஸ்ரீபெரும்புதுார் தெற்கு ஒன்றிய செயலர் கோபால், ஸ்ரீபெரும்புதுார் வடக்கு ஒன்றிய செயலரும், ஸ்ரீபெரும்புதுார் ஒன்றிய குழு தலைவருமான எஸ்.டி. கருணாநிதி, ஸ்ரீபெரும்புதுார் நகர தலைவர் சாந்தி, ஸ்ரீபெரும்புதுார் இளைஞர் அணி துணை அமைப்பாளர் மதன்ராஜ் உட்பட பலர் பங்கேற்றனர்.