உள்ளூர் செய்திகள்

/ உள்ளூர் செய்திகள் / காஞ்சிபுரம் /  உடல் கருகிய நிலையில் மூதாட்டி சடலம் மீட்பு

 உடல் கருகிய நிலையில் மூதாட்டி சடலம் மீட்பு

சாலவாக்கம்: பழையசீவரம் பாலாற்றில் உடல் கருகிய நிலையில், மூதாட்டி சடலத்தை மீட்டு போலீசார் விசாரித்து வருகின்றனர். வாலாஜாபாத் ஒன்றியத்திற்கு உட்பட்டது பழையசீவரம் கிராமம். இக்கிராம பாலாற்றை ஒட்டிய பகுதியில் நேற்று மதியம் தீயில் கருகிய நிலையில் கிடந்த பெண் சடலம் குறித்து சாலவாக்கம் போலீசாருக்கு தகவல் கிடைத்தது. அங்கு விரைந்து வந்த போலீசார் சடலத்தை மீட்டு அவர் யார் என்பது குறித்து விசாரணை மேற்கொண்டனர். விசாரணையில், அவர் பழையசீவரம் பெரிய காலனி பகுதியை சேர்ந்த செல்லப்பன் என்பவரது மனைவி தினமணி, 65, என்பது தெரிந்தது. தினமணியின் மகன் சிறுநீகரம் பாதிப்பால் மருத்துவ சிகிச்சையில் உள்ளதாகவும், இதனால் அவர், தீயிட்டு தற்கொலை செய்து கொண்டதாக போலீசார் தரப்பில் கூறப்பட்டுள்ளது. போலீசார் தொடர்ந்து விசாரித்து வருகின்றனர்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்







முக்கிய வீடியோ