தளர்ந்து கிடக்கும் மின் கம்பிகளை சீரமைக்க விவசாயிகள் வலியுறுத்தல்

உத்திரமேரூர்: மருத்துவன்பாடியில், தளர்ந்து கிடக்கும் மின் கம்பிகளை சீரமைக்க, விவசாயிகள் வலியுறுத்தி வருகின்றனர். உத்திரமேரூர் ஒன்றியம், மருத்துவன்பாடியில், சாலை மற்றும் விளை நிலங்களில் மின்வாரியத் துறை சார்பில், மின் கம்பங்கள் நடப்பட்டு மின்சாரம் வினியோகம் செய்யப்பட்டு வருகிறது. இந்நிலையில், மருத்துவன்பாடியில் இருந்து, கொருக்கந்தாங்கல் செல்லும் சாலையோரமுள்ள, விளை நிலத்தில் இரு மின் கம்பங்கள் நடப்பட்டுள்ளன. அந்த மின்கம்பங்கள் முறையாக பராமரிப்பு இல்லாமல், மின் கம்பிகள் தளர்ந்த நிலையில் தொங்கி கிடக்கின்றன. இதனால், மழை மற்றும் காற்று வீசும் நேரங்களில், மின் கம்பிகள் அறுந்து விபத்து ஏற்படும் நிலை உள்ளது. எனவே, மருத்துவன்பாடியில் தளர்ந்து கிடக்கும் மின் கம்பிகளை சீரமைக்க, மின்வாரியத் துறையினர் நடவடிக்கை எடுக்க வேண்டும் என, விவசாயிகள் வலியுறுத்தி வருகின்றனர்.