தேசிய சீனியர் ஜூடோ தமிழக வீரர்கள் தகுதி

சென்னை: இந்திய ஜூடோ சங்கம் மற்றும் மணிப்பூர் மாநில ஜூடோ சங்கம் சார்பில், தேசிய சீனியர் ஜூடோ சாம்பியன்ஷிப் போட்டி, மணிப்பூரின் இம்பாலில் உள்ள குமன் லம்பக் உள்விளையாட்டு அரங்கில், வரும் டிச., 11ல் துவங்கி 15ம் தேதி வரை நடைபெற உள்ளது. இதில் பங்கேற்க, தமிழக வீரர் - வீராங்கனையர் தேர்வு முகாம் நடந்தது. சென்னை, காஞ்சிபுரம், சேலம் உட்பட பல மாவட்ட அணிகளிலிருந்து வீரர்கள் போட்டியிட்டனர். இதில் தங்கம் கைப்பற்றிய 14 வீரர் - வீராங்கனையர், தமிழக அணியில் நேரடியாகவும், வெள்ளி பதக்கம் கைப்பற்றிய நான்கு வீரர் - வீராங்கனையர் சிறப்பு தேர்வின் அடிப்படையிலும் தேசிய போட்டிக்கு தகுதி பெற்றுள்ளனர். இதில், எஸ்.டி.ஏ.டி., எனும் தமிழ்நாடு விளையாட்டு மேம்பாட்டு ஆணையத்தின் ஸ்ருதி, 20, ஆகாஷ், 23, நவீன், 24, அஜீஸ், 23, ஆகியோர், தகுதி பெற்று அசத்தியுள்ளனர்.