வீடு தேடி ரேஷன் பொருட்கள் டிச., 2, 3ல் சப்ளை

காஞ்சிபுரம்: 'காஞ்சிபுரம் மாவட்டத்தில், தாயுமானவர் திட்டத்தின் கீழ், முதியோர் மற்றும் மாற்றுத்திறனாளிகளுக்கு ரேஷன் பொருட்கள், டிச.,2, 3ல் வழங்கப்படும்' என, காஞ்சிபுரம் கலெக்டர் கலைச்செல்வி தெரிவித்துள்ளார். இதுகுறித்து, அவர் வெளியிட்ட செய்திகுறிப்பு: முதியோர் மற்றும் மாற்றுத்திறனாளிகளுக்கு, கூட்டுறவு துறை சார்பில், வீடுகளுக்கே சென்று அரிசி, சர்க்கரை, பருப்பு உள்ளிட்ட உணவு பொருட்களை, தாயுமானவர் திட்டத்தின் கீழ், ரேஷன் கடை பணியாளர்கள் வழங்கி வருகின்றனர். அதன்படி, டிச., 2, 3ம் தேதிகளில், காஞ்சிபுரம் மாவட்டத்தில் உள்ள 65 வயதிற்கு மேற்பட்ட முதியோர் மற்றும் மாற்றுத்திறனாளிகளின் வீடு தேடி சென்று, அத்தியாவசியப் பொருட்கள் வினியோகம் செய்யப்படும். இவ்வாறு அதில் கூறப்பட்டுள்ளது.