சாலையில் வழிந்தோடும் கழிவுநீரால் வல்லத்தில் சுகாதார சீர்கேடு

ஸ்ரீபெரும்புதுார்: வல்லம் ஊராட்சியில் வடிகால் வசதி இல்லாதால், வீட்டு உபயோக கழிவு நீர் சாலையில் வழிந்து வருவதால், சுகாதார சீர்கேடு நிலவுகிறது. ஸ்ரீபெரும்புதுார் ஒன்றியம், வல்லம் ஊராட்சிக்குட்பட்ட காமராஜர் தெருவில், 50க்கும் மேற்பட்ட வீடுகள் உள்ளன. இப்பகுதியில், வீட்டு உபயோக கழிவுநீர் மற்றும் மழைநீர் வெளியேற வடிகால் வசதி இல்லை. இதனால், வீடுகளில் இருந்த வெளியேறும் வீட்டு உபயோக கழிவுநீர், சாலை மற்றும் திறந்த வெளியில் வழிந்து வருகிறது. இதனால், அப்பகுதில் துர்நாற்றம் வீசுவதோடு, நோய் தொற்று பரவு அச்சத்தில் அப்பகுதி மக்கள் உள்ளனர். சாலையில் வழியும் கழிநீரால் அவ்வழியாக நடந்து செல்லும் பாதசாரிகள் கழிவு நீரில் நடந்து செல்ல வேண்டிய நிலை உள்ளது. எனவே, ஊராட்சி நிர்வாகம் அப்பகுதியில் வடிகால் வசதி அமைக்க நடவடிக்கை எடுக்க வேண்டும் என, அப்பகுதி மக்கள் வேண்டுகோள் விடுத்துள்ளனர்.