மாநில கேரம் சாம்பியன்ஷிப்: சென்னை அணி சாம்பியன்

சென்னை: கரூர் மாவட்டத்தில் நடந்த பள்ளி மாணவ - மாணவியருக்கான மாநில கேரம் சாம்பியன்ஷிப் போட்டியில், சென்னை மாவட்ட பள்ளி மாணவ - மாணவியர் சாம்பியன் பட்டம் கைப்பற்றினர். தமிழ்நாடு மற்றும் கரூர் பள்ளி கல்வித் துறை சார்பில், பள்ளி மாணவ - மாணவியர் இடையே, மாநில அளவிலான விளையாட்டு போட்டிகள் தமிழகம் முழுதும் நடந்தன. இதன் ஒரு பகுதியாக, கரூர் மாவட்டத்தில் பள்ளி மாணவ - மாணவியருக்கான கேரம் சாம்பியன்ஷிப் போட்டி நடந்தது. இதில், தமிழகத்தின் அனைத்து மாவட்டங்களின் பள்ளி மாணவ - மாணவியர், பல்வேறு வயது பிரிவுகளில் போட்டியிட்டனர். போட்டியின் முடிவில், சென்னை மாவட்ட பள்ளி மாணவ - மாணவியர், தங்களது அசத்தலான ஆட்டத்தால், பல்வேறு போட்டிகளில் முதலிடம் பிடித்து, சாம்பியன் பட்டத்தை கைப்பற்றினர். வெற்றியாளர்கள் விவரம்: மாணவர்களுக்கான, 19 வயது இரட்டையர் பிரிவு: ராயபுரம், தனலட்சுமி மேல்நிலைப் பள்ளியின் நவீத் அகமது - முகமது யாசிர் முதலிடம். மாணவர்களுக்கான, 17 வயது இரட்டையர் பிரிவு: சாந்தோம், செயின்ட் பீட்ஸ் ஆங்கிலோ இந்தியன் மேல்நிலைப் பள்ளியின் ரஹான் - தர்ஷன் முதலிடம். மாணவர்களுக்கான, 14 வயது இரட்டையர் பிரிவு: பழைய வண்ணாரப்பேட்டை, பி.ஏ.கே.பழனிசாமி மேல்நிலைப் பள்ளியின் சகுந்தன் - தீபக் இரண்டாமிடம். மாணவர்களுக்கான, 19 வயது ஒற்றையர் பிரிவு: சென்னை, மியாஷி மெட்ரிகுலேஷன் மேல்நிலைப் பள்ளியின் முகமது மிஸ்பா மூன்றாம் இடம். மாணவியருக்கான, 19 வயது இரட்டையர் பிரிவு: அயனாவரம் கன்னட சங்க மேல்நிலைப் பள்ளியின் செம்மொழி தமிழ் எழில் - பாக்கியதர்ஷினி முதலிடம்.