பகுதி நேர ரேஷன் கடை அமைக்க வலியுறுத்தல்

விச்சந்தாங்கல்: விச்சந்தாங்கல் கிராமத்தில், பகுதி நேர ரேஷன் கடை அமைக்க மாவட்ட நிர்வாகம் நடவடிக்கை எடுக்க வேண்டும் என, அப்பகுதி மக்கள் வலியுறுத்தி வருகின்றனர். காஞ்சிபுரம் ஒன்றியம், காலுார் ஊராட்சி, விச்சந்தாங்கல் கிராமத்தில், 200க்கும் மேற்பட்ட வீடுகள் உள்ளன. இக்கிராமத்தில் ரேஷன் கடை இல்லாததால், 3 கி.மீ., தொலைவில் உள்ள காலுார் கிராமத்தில் உள்ள ரேஷன் கடைக்கு சென்று அரிசி, பருப்பு, சர்க்கரை, மண்ணெண்ணெய், பாமாயில் உள்ளிட்ட அத்தியாவசிய பொருட்கள் வாங்கி வரவேண்டி உள்ளது. எனவே, விச்சந்தாங்கல் கிராமத்தில் பகுதி நேர ரேஷன் கடை அமைக்க மாவட்ட நிர்வாகம் நடவடிக்கை எடுக்க வேண்டும் என, அப்பகுதி மக்கள் வலியுறுத்தி வருகின்றனர்.