ரயிலில் அடிபட்டு வாலிபர் பலி

மதுராந்தகம்: சோத்துப்பாக்கம் அடுத் த மாத்துார் பகுதியைச் சேர்ந்தவர் வேல்முருகன், 22. இவர், சோத்துப்பாக்கத்தில் உள்ள 'பைக் ஷோரூம்' ஒன்றில் வேலை செய்து வந்தார். நேற்று காலை, அ வருக்குச் சொந்தமான 'பஜாஜ் பல்சர்' இருசக்கர வாகனத்தில், பாக்கத்தில் உள்ள உறவினர் வீட்டிற்கு கிளம்பினார். சென்னை - -திண்டுக்கல் தேசிய நெடுஞ்சாலையிலிருந்து பிரிந்து, பாக்கம் ஊராட்சிக்கு செல்லும் வழியில், சென்னை -- விழுப்புரம் இடையேயான ரயில்வே 'கேட்' உள்ளது. இந்த கேட் மூடப்பட்டிருந்த நிலையில், இருசக்கர வாகனத்துடன் கேட்டின் அடிப்பகுதியில் புகுந்து, தண்டவாளத்தைக் கடக்க முயன்றார். அப்போது, மதுரையில் இருந்து மத்திய பிரதேச மாநிலத்திற்குச் சென்ற சுற்றுலாப் பயணியர் ரயிலில் அடிபட்டு பலியானார். தகவலறிந்து வந்த செங்கல்பட்டு ரயில்வே போலீசார், வேல்முருகன் உடலை மீட்டு, பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்து விசாரிக்கின்றனர்.