| ADDED : நவ 29, 2025 01:11 AM
கிருஷ்ணகிரி, கிருஷ்ணகிரி மாவட்டம், எலுமிச்சங்கிரி வேளாண் அறிவியல் மையம் மற்றும் கொச்சி வேளாண் அறிவியல் மைய மத்திய மீன்வள தொழில் நுட்ப நிறுவனத்துடன் இணைந்து, பழங்குடியினர் மேம்பாட்டு திட்டத்தில், மதிப்பு கூட்டப்பட்ட மீன் சார்ந்த உணவு பொருட்கள் தயாரித்தல் குறித்த பயிற்சி கடந்த, 26 முதல் நேற்று வரை, 3 நாட்கள் நடந்தது.வேளாண் அறிவியல் மைய முதுநிலை விஞ்ஞானி மற்றும் தலைவர் சுந்தர்ராஜ், பயிற்சியை சரியான முறையில் பயன்படுத்தி, பழங்குடியினர் தனது வாழ்வாதாரத்தை உயர்த்திக் கொள்ள வேண்டும் என்றார்.மத்திய மீன்வள தொழில்நுட்ப நிறுவன முதுநிலை விஞ்ஞானி சந்திரசேகர், வாழ்வாதார பெருக்கத்திற்கு தேவையான பயிற்சி குறித்து எடுத்துரைத்தார். திட்ட இயக்குனர் பெரியசாமி, பழங்குடியின மீனவர்கள் ஒரு குழு அமைத்து, மீனில் மதிப்பு கூட்டு பொருட்கள் தயாரித்து விற்பனை செய்வதன் மூலம், தங்கள் வாழ்வாதாரத்தை உயர்த்தி கொள்ளலாம் என்றார்.மீன்வள ஆய்வாளர் கதிர்வேல், பழங்குடி மீனவர் கூட்டுறவு சங்கங்கள் உருவாக்குவதன் முக்கியத்துவம் குறித்தும், முதுநிலை விஞ்ஞானி ரெஜூலா, இளம் தொழில் முனையாளர் சிவானி, மனையியல் தொழில்நுட்ப வல்லுனர் பூமதி ஆகியோர், மதிப்பு கூட்டப்பட்ட மீன் சார்ந்த உணவு பொருட்கள் தயாரிப்பு தொழில்நுட்ப பயிற்சி வழங்கினர். ஏ.மோட்டூர், கொத்துப்பள்ளியை சார்ந்த, 25 பழங்குடியின மக்கள் பங்கேற்றனர்.