தொ.மு.ச., கவுன்சில் சார்பில் ஆர்ப்பாட்டம்

ஓசூர், கிருஷ்ணகிரி மாவட்டம், ஓசூர் ராம்நகர் அண்ணாதுரை சிலை அருகே, மாவட்ட தொ.மு.ச., கவுன்சில் சார்பில், தொழிலாளர் நலச்சட்டங்களை நான்கு சட்ட தொகுப்புகளாக மாற்றிய மத்திய அரசை கண்டித்தும், புதிய விதிகளை திரும்ப பெறக்கோரியும் நேற்று கண்டன ஆர்ப்பாட்டம் நடந்தது. தொ.மு.ச., மேற்கு மாவட்ட கவுன்சில் செயலாளர் கோபாலகிருஷ்ணன் தலைமை வகித்தார். ஓசூர் தி.மு.க., - எம்.எல்.ஏ., பிரகாஷ், மாநகர மேயர் சத்யா ஆகியோர் கண்டன உரையாற்றினர்.ஆர்ப்பாட்டத்தில், விலைவாசி உயர்வை கட்டுப்படுத்த வேண்டும். மோட்டார் வாகன சட்டத்தை திரும்ப பெற வேண்டும். குறைந்தபட்சம் மாதம், 6,000 ரூபாய் ஓய்வூதியம் என்பதை உறுதிப்படுத்த வேண்டும். எஸ்.ஐ.ஆரை திரும்ப பெற வேண்டும். தொழிலாளர் விரோத சட்டங்களை திரும்ப பெற வேண்டும் என கோஷம் எழுப்பினர்.