டிச.,2, 3 தேதிகளில் தாயுமானவர் திட்டத்தில் பொருட்கள் வழங்கல்

கிருஷ்ணகிரி, கிருஷ்ணகிரி மாவட்டத்தில் டிச.,2, 3 தேதிகளில் தாயுமானவர் திட்டத்தில் வயது முதிர்ந்தோர் மற்றும் மாற்றுத்திறனாளிகள் இல்லத்திற்கே சென்று, ரேஷன் பொருட்கள் வழங்கப்படவுள்ளதாக கலெக்டர் தினேஷ்குமார் தெரிவித்துள்ளர்.இது குறித்து அவர் வெளியிட்டுள்ள அறிக்கை:கிருஷ்ணகிரி மாவட்டத்தில், கூட்டுறவு துறையின் கீழ் செயல்படும் ரேஷன் கடைகளில் உள்ள, 27,927 வயது முதிர்ந்தோர் மற்றும் மாற்றுத்திறனாளிகளின் ரேஷன் அட்டைகளுக்கு, தாயுமானவர் திட்டத்தில் அவர்களின் வீடுகளுக்கு சென்று ரேஷன் பொருட்கள் வழங்க, 309 குழு அமைக்கப்பட்டு, 463 வாகனங்களில் ரேஷன் பொருட்கள் வினியோகம் செய்யப்படுகிறது.அதன்படி கிருஷ்ணகிரி மாவட்டத்தில் டிச.,2, 3 தேதிகளில் தாயுமானவர் திட்டத்தில் வயது முதிர்ந்தோர் மற்றும் மாற்றுத்திறனாளிகளின் இல்லங்களுக்கு சென்று ரேஷன் பொருட்கள் வழங்கப்படவுள்ளது.இவ்வாறு தெரிவித்துள்ளார்.