அழிவை நோக்கி அ.தி.மு.க., * காங்., எம்.பி., பேச்சு

திருமங்கலம், நவ. 29- - திருமங்கலம் அருகே காண்டையில் வேளாண்மை துறை சார்பில் விவசாயிகள் பயிரிட்டிருந்த புடலங்காய் தோட்டத்தை காங்., எம்.பி., மாணிக்க தாகூர் பார்வையிட்டார். பின் அவர் பேசியதாவது: மத்திய அரசு விவசாயிகளை பாதிக்கும் வகையில் உள்ள யூரியா உரத்தட்டுப்பாட்டை போக்க எந்த நடவடிக்கையும் எடுக்கவில்லை. மத்திய அரசின் தவறான கொள்கை இதற்கு காரணமாக உள்ளது. அ.தி.மு.க.,வைச் சேர்ந்த செங்கோட்டையன் பலமுறை எம்.எல்.ஏ., அமைச்சராகவும் இருந்தவர். அவர் தமிழக வெற்றிக்கழகத்தில் சேர்ந்துள்ளார். முன்னாள் முதல்வர் பழனிசாமி தலைமையிலான அமித்ஷா அ.தி.மு.க., தற்போது அழிவின் விளிம்பை நோக்கிய சென்று கொண்டிருக்கிறது. 10 சதவீதம் மட்டுமே அ.தி.மு.க.,வாக உள்ள நிலையில் தற்போது செங்கோட்டையன் நீக்கம் காரணமாக அழிவை நோக்கித்தான் செல்கிறது. இவ்வாறு பேசினார்.