புதுச்சேரி வொஸ்ட் ஆகி விட்டது நாராயணசாமி குற்றச்சாட்டு

மதுரை: 'புதுச்சேரியை 'பெஸ்ட்' மாநிலமாக மாற்றுவேன் என முதல்வர் ரங்கசாமி கூறினார். ஆனால் 'வொஸ்ட்' மாநில மாக மாறி உள்ளது' என புதுச்சேரி காங்., முன்னாள் முதல்வர் நாராயணசாமி குற்றம்சாட்டினார். மதுரை மீனாட்சி அம்மன் கோயிலில் தரி சனம் செய்துவிட்டு அவர் கூறியதாவது: தேர்தல் கமிஷன் பா.ஜ.,வுக்கும், பிரதமருக் கும் கைப்பாவையாக செயல்படுகிறது. தமிழ்நாட்டில் வேலை செய்யும் பீஹார் மக்கள், சொந்த ஊர் சென்று ஓட்டளித்தார்கள். அடுத்து இங்கேயும் ஓட்டளிப்பார்கள். இரண்டு மாநிலத்தில் ஓட்டளிக்கும் உரிமத்தை தேர்தல் கமிஷன் ஏற்படுத்தி இருக்கிறது. சிறுபான்மை, பட்டியலின சமுதாயத்தில் இருக்கும் மக்களை நீக்கக்கூடிய திட்டமாக எஸ்.ஐ.ஆர்., உள்ளது. தேர்தல் கமிஷனும், மத்திய அரசும் ஜனநாயக படுகொலைக்கு காரணமாக உள்ளது. புதுச்சேரியை 'பெஸ்ட்' மாநிலமாக மாற்றுவேன் என முதல்வர் ரங்க சாமி கூறினார். ஆனால் 'வொஸ்டு' மாநிலமாக மாறி உள்ளது. முட்டை, அரிசி வாங்குவதில் அரசு ஊழல் செய்கிறது. தமிழகத்தில் தி.மு.க., கூட்டணி பலமாக உள்ளது. எதிர்க்கட்சிகள் சிதறி போயுள்ளன. மறுபடியும் 'இண்டி' கூட்டணி ஆட்சி அமைக்கும். புதுச்சேரியில் காங்கிரஸ் தலைமையில் ஆட்சி அமையும். இவ்வாறு கூறினார்.