டிச.28ல் சவுராஷ்டிரா அரசியல் எழுச்சி மாநாடு

மதுரை: சவுராஷ்டிரா அரசியல் ஒருங்கிணைப்பு குழு சார்பில், மதுரை ராஜா முத்தையா மன்றத்தில் அரசியல் எழுச்சி மாநாடு டிச., 28ல் நடக்கவுள்ளது. அதை முன்னிட்டு மாநாட்டுக்கான வலை தளம், சவுராஷ்டிர மொழி பாடல் வெளியீடு, ஆட்டோ விளம்பரங்கள் துவக்கி வைக்கப் பட்டன. குழுத் தலைவர் கிஷோர்குமார் கூறியதாவது: தமிழகத்தில் 15 தொகுதிகளில் சவுராஷ்டிர சமூகத்தினர் தீர்மானிக்கும் இடத்தில் இருந்தும், ஒரு தொகுதியில் கூட பிரதி நிதித்துவம் இல்லை. மதுரையில் மட்டும் 2 லட்சம் வாக்காளர்கள் உள்ளனர். குறிப்பாக மதுரை தெற்கில் 40 ஆயிரம் பேர், திருப்பரங்குன்றத்தில் 80 ஆயிரம் பேர் உள்ளனர். எனினும் ஒரு வார்டில் கூட சவுராஷ்டிர சமூக கவுன்சிலர் இல்லாதது அவமானமாக உள்ளது. கட்சிகள் போதுமான பிரதிநிதித்துவம் கொடுக்காததாலும், சவுராஷ்டிர சமூகத்தில் ஒற்றுமை இல்லாததாலும் பிரதிநிதித்துவம் கிடைக்கவில்லை. அந்த ஒற்றுமையின்மையை போக்க இம்மாநாடு நடக்கிறது. 2026 சட்டசபை தேர்தலில் மதுரை தெற்கு, திருப்பரங்குன்றம் தொகுதிகளில் அனைத்து கட்சிகளும் சவுராஷ்டிர வேட்பாளர்களை நிறுத்த வேண்டும். அவ்வாறு கட்சிகள் நிறுத்தும்பட்சத்தில் வெற்றியாளர் குறித்து கலந்தாலோசித்து முடி வெடுக்கப்படும் என்றார். மாநாட்டு தலைவர் தினேஷ், செயலாளர் பிரசாந்த் ஷர்மிளா பிரகாஷ், ஒருங்கிணைப்பாளர் ராஜ்குமார், இணைச் செயலாளர்கள் சுரேஷ், முரளி, இளைஞரணி செயலாளர் உதயா, கவுன்சிலர்கள் பங்கேற்றனர்.