மதுரையில் தமிழ்க்கூடல் 

மதுரை: மதுரை உலகத் தமிழ்ச் சங்கத்தில் இயக்குநர் பர்வீன் சுல்தானா தலைமையில் தமிழ்க்கூடல் நடந்தது. அருளானந்தர் கல்லுாரி உதவிப்பேராசிரியர் மணிமேகலா 'சித்த மருத்துவமும், சித்தர் பண்பாடும்' என்ற தலைப்பில் பேசினார். அவர் பேசுகையில், 'பதினெட்டு சித்தர்களில் முதன்மையானவர் திருமூலர். கூன் பாண்டியனின் கூனை நிமிர்த்தியவர் ராமசித்தர். ஜீவ சமாதியில் இருக்கும் சித்தர்களின் சக்தி நிலை நமக்கு நன்மை செய்யும். நம் முன்னோர்கள் மருத்துவ முறைகளை பின்பற்றி நோயின்றி வாழலாம்' என்றார். ராஜேந்திரனின் திருக்குறள் உலக நுால், இளவரசியின் தணியாது எரியும் காடு, ஆமினாவின் நிகாடு சிறுகதை, கவிஞர் சாய்மீராவின் நீலச்சிறகு உள்ளிட்ட நுால்கள் வெளியிடப்பட்டன. முன்னாள் பேராசிரியர் அருணகிரி, பேராசிரியர் அனார்கலி, கவிஞர்கள் ராஜபிரபா, காளிதாஸ் பங்கேற்றனர். ஏற்பாடுகளை தமிழ்ச் சங்கமும், மதுரை காந்திஎன்.எம்.ஆர்., சுப்புராமன் கல்லுாரியும் செய்தன.