நடப்பாண்டில் 712.15 மி.மீ., மழை பதிவு குறைதீர் கூட்டத்தில் கலெக்டர் தகவல்

நாமக்கல், நாமக்கல் கலெக்டர் அலுவலக கூட்டரங்கில் நடந்த விவசாயிகள் குறைதீர் கூட்டத்தில், கலெக்டர் துர்கா மூர்த்தி பேசியதாவது: நாமக்கல் மாவட்டத்தின் இயல்பு மழையளவு, 716.54 மி.மீ., தற்போது வரை, 712.15 மி.மீ., மழை பெறப்பட்டுள்ளது. நடப்பாண்டில் அக்., வரை, நெல், 5,156 ஹெக்டேர், சிறுதானியங்கள், 69,767 ஹெக்டேர், பயறு வகைகள், 9,487 ஹெக்டேர், எண்ணெய் வித்துக்கள், 28,842 ஹெக்டேர், பருத்தி, 1,691 ஹெக்டேர், கரும்பு, 8,594 ஹெக்டேர் என, மொத்தம், 1,23,536 ஹெக்டேரில் வேளாண் பயிர்கள் சாகுபடி செய்யப்பட்டுள்ளது.தோட்டக்கலை பயிர்களில், தக்காளி, 537 ஹெக்டேர், கத்திரி, 342 ஹெக்டேர், வெண்டை, 248 ஹெக்டேர், மிளகாய், 109 ஹெக்டேர், மரவள்ளி, 1,068 ஹெக்டேர், வெங்காயம், 2,455 ஹெக்டேர், மஞ்சள், 2,261 ஹெக்டேர், வாழை, 2,356 ஹெக்டேர் பரப்பில் சாகுபடி செய்யப்பட்டுள்ளது. மாவட்டத்தின் அனைத்து பகுதிகளிலும், விதை, உரம், விவசாயிகளின் தேவைக்கேற்ப இருப்பு வைக்கப்பட்டுள்ளது.இவ்வாறு அவர் பேசினார்.தொடர்ந்து, வேளாண் அறிவியல் நிலைய விஞ்ஞானி சங்கர், சாகுபடி செய்யப்படும் சின்ன வெங்காயம், கரும்பு பயிருக்கான பூச்சி, நோய் மேலாண் தொழில்நுட்பம் குறித்து விவசாயிகளுக்கு பயிற்சியளித்தார். பின், கரும்பு விலை, மரவள்ளி விலை, பால் கொள்முதல் குறித்து, 200-க்கும் மேற்பட்ட கோரிக்கை மனுக்களை கலெக்டரிடம் வழங்கினர்.டி.ஆர்.ஓ., சரவணன், கூட்டுறவு சங்க இணைப்பதிவாளர் அருளரசு, வேளாண் துணை இயக்குனர் கவிதா, மாவட்ட கலெக்டரின் நேர்முக உதவியாளர் ராமச்சந்திரன் உள்ளிட்ட துறை அலுவலர்கள், விவசாயிகள் கலந்து கொண்டனர்.