மகா கும்பாபிஷேக விழா பக்தர்கள் தீர்த்தக்குட ஊர்வலம்

குமாரபாளையம், குமாரபாளையம், திருவள்ளுவர் நகர் பகுதியில் உள்ள மங்களாம்பிகை உடனமர் மகேஸ்வரர், ஸ்ரீதேவி, பூதேவி சமேத சவுந்தர்ராஜ பெருமாள், பஞ்சமுக மகாவீர ஆஞ்சநேயர் கோவில் புனராவர்த்தன மகா கும்பாபிஷேக விழா, நேற்று மகா கணபதி ஹோமத்துடன் நடந்தது.பவானி கூடுதுறை, சங்கமேஸ்வரர் கோவில் காவிரி ஆற்றிலிருந்து தீர்த்தகுடம் எடுத்து ஊர்வலமாக சென்றனர். திண்டுக்கல் ஸ்ரீலஸ்ரீ திருநாவுக்கரசு தேசிய பரமாச்சாரியார் சுவாமிகள், ஸ்ரீமத் சிவாக்கர தேசிக சுவாமிகள் பங்கேற்றனர். இன்று மாலை, ஸ்ரீமத் பரமஹம்சேத் யாதி ஸ்ரீரங்கபராங்குச பரகால நம்பி ராமானுஜ ஜீயர் சுவாமிகளின் ஆன்மிக சொற்பொழிவு நடக்கிறது.மாரியம்மன் கோவிலில் இருந்து முளைப்பாரி அழைத்து வருதல், முதல்கால யாகசாலை பூஜை நடக்கிறது. நாளை, இரண்டாம், மூன்றாம் கால யாகசாலை பூஜை, ஞானசம்பந்தம் தலைமையில் பட்டிமன்றம் நடக்கிறது. டிச., 1 காலை, 6:00 மணிக்கு, மகா கும்பாபிஷேக விழா நடக்கிறது. பக்தர்களுக்கு அன்னதானம் வழங்க ஏற்பாடு நடந்து வருகிறது.ஏற்பாடுகளை விழாக்குழுவினர் செய்து வருகின்றனர்.