ப.பாளையத்தில் சட்டவிரோத செயல் தகவல் தர டி.எஸ்.பி., வேண்டுகோள்

பள்ளிப்பாளையம், பள்ளிப்பாளையம் உட்கோட்டத்திற்கு உட்பட்ட பகுதியில், சட்ட விரோத செயல்பாடு குறித்து பொதுமக்கள் தகவல் தர வேண்டும் என, டி.எஸ்.பி., வேண்டுகோள் விடுத்துள்ளார்.பள்ளிப்பாளையம் உட்கோட்டத்திற்குட்பட்ட பள்ளிப்பாளையம், குமார பாளையம், வெப்படை, மொளசி உள்ளிட்ட சுற்று வட்டார பகுதியில் விதிமீறி மது பாட்டில், கஞ்சா விற்பனை, சேவல் சண்டை சூதாட்டம், சீட்டாட்டம் உள்ளிட்ட சட்ட விரோத செயல்கள் நடந்து வருகின்றன. இதனால் சட்ட விரோத செயல்கள் குறித்து பொதுமக்கள் தகவல் தர வேண்டும் என, பள்ளிப்பாளையம் டி.எஸ்.பி., கவுதம் தெரிவித்துள்ளார்.இதுகுறித்து அவர் கூறியதாவது: பள்ளிப்பாளையம் உட்கோட்டத்தில் நடைபெறும் எந்த வகையான சட்டவிரோத செயல்பாடுகளையும் எந்த நேரத்திலும் நேரடியாக தெரிவிக்கலாம். பள்ளிப்பாளையம் உட்கோட்டத்தில் சட்டவிரோத செயல்களை கட்டுப்படுத்தவும், பாதுகாப்பை நிலைநிறுத்தவும் தங்களின் ஒத்துழைப்பை கேட்டுக்கொள்கிறேன்.இவ்வாறு கூறினார்.