வேரில் வளர்ந்த அதிசய வாழைத்தார்

புதுச்சத்திரம், புதுச்சத்திரம் அருகே, தாத்தையங்கார்பட்டி மாரியம்மன் கோவில் தெருவை சேர்ந்தவர் கந்தாயி, 70; விவசாயி. இவர் வீட்டின் அருகே, சிறிய அளவில் வாழை தோட்டம் அமைத்துள்ளார். இதில் ஒரு வாழை மரம் நன்கு வளர்ந்து குலை தள்ளிய நிலையில், அந்த மரத்தின் வேரில் இருந்து சிறியதாக வாழை கட்டைபோல் வளர்ந்துள்ளது.இது, வாழை மரத்தை சுற்றி வளரும், 'பக்க கன்று' என, கந்தாயி நினைத்துள்ளார். ஆனால், மண்னுக்கு அடியில் உள்ள வேரில் இருந்து சிகப்பு நிறத்தில் வாழை பூ பூத்துள்ளது. இந்த அதிசய பூவை, கந்தாயி பாதுகாத்து வந்த நிலையில், தற்போது இந்த வாழை பூ, வாழைத்தாராக மாறியுள்ளது. 10 சீப்புகளுடன், 150 வாழைக்காய்கள் உள்ள. இந்த அதிசய வாழைத்தார் குறித்து அறிந்த அப்பகுதி மக்கள், ஆச்சரியத்துடன் வந்து பார்த்து செல்கின்றனர்.