காங்., கட்சிக்கு புதிய மாவட்ட தலைவர்கள் தேர்வு மேலிட பொறுப்பாளர் ஜெயபிரகாஷ்ெஹக்டே

திருவாடானை: காங்., கட்சியை வலுப்படுத்த தமிழகத்தில் புதிய மாவட்ட தலைவர்கள் தேர்ந்தெடுக்கபடுவார்கள் என காங்., மேலிட பொறுப்பாளர் ஜெயபிரகாஷ்ெஹக்டே கூறினார். திருவாடானையில் அவர் கூறியதாவது- காங்., சங்கத்தன் அபியான் திட்டம் தமிழகத்தில் துவக்கப்பட்டுள்ளது. இத் திட்டத்தின் கீழ் புதிய மாவட்ட தலைவர்களை தேர்வு செய்யும் பணி நடக்கிறது. பல்வேறு நிர்வாகிகள் அடங்கிய குழு அனைத்து மாவட்டங்களுக்கும் சென்று நிர்வாகிகளை சந்தித்து மாவட்டத்தின் நிலைமை குறித்து ஆய்வு செய்வார்கள். அதன் ஒரு அங்கமாக ராமநாதபுரம் மாவட்டத்திற்கு தலைவர் தேர்வு செய்யும் பணி திருவாடானையில் நடக்கிறது. தொண்டர்கள் கூறும் கருத்துக்கள் அடிப்படையில் புதிய மாவட்ட தலைவர்கள் தேர்ந்தெடுப்பார்கள். மாவட்ட தலைவர் தேர்வுக்கு பின் மற்ற நிர்வாகிகள் தேர்வு நடைபெறும். மாநில அளவில் உள்ள அரசியல் விவகார குழு இருப்பது போல், மாவட்ட அளவிலும் அரசியல் விவகார குழு இருக்கும். ராமநாதபுரம் மாவட்ட தலைவர் பதவிக்கு 12 பேர் மனு தாக்கல் செய்துள்ளனர். தமிழகத்தில் காங்., கட்சியை வலுப்படுத்துதே எங்களின் நோக்கம் என்றார். திருவாடானை தொகுதி எம்.எல்.ஏ., கருமாணிக்கம் உடனிருந்தார்.