அரியவகை மரநாய் விபத்தில் பலி

முதுகுளத்துார்: -ராமநாதபுரம் மாவட்டம் முதுகுளத்துாரில் இருந்து மொச்சிகுளம் கிராமத்திற்கு செல்லும் ரோட்டில் வாகனத்தில் அடிபட்டு அரியவகை உயிரினமான மரநாய் பலியானது. மரநாய் பறவைகளையும், எலிகளையும் தின்று வாழும் ஒரு பாலுாட்டி வகையை சேர்ந்த உயிரினமாகும். நீளவால் மரநாய், குட்டைவால் மரநாய்,மிகச்சிறிய வால் மரநாய் மூன்று வகை உண்டு. நீள வால் கொண்ட மரநாய்கள் வட அமெரிக்காவில் காணப்படுகின்றன. குட்டைவால் மரநாய் கனடாவில் அதிகம் வாழ்கின்றன. இந்நிலையில், முதுகுளத்துார் அருகே மொச்சிகுளம் கிராமத்திற்கு செல்லும் ரோட்டில் அரியவகை உயிரினமான மரநாய் அடையாளம் தெரியாத வாகனம் மோதி உயிரிழந்து கிடந்தன. மொச்சிகுளம் அதனை சுற்றியுள்ள பகுதிகளில் வடஅமெரிக்காவில் வாழும் அரியவகை உயிரினமான மரநாய் இப்பகுதியில் உலா வந்தன. நேற்று அடையாளம் தெரியாத வாகனம் மோதி மரநாய் பலியானது. இப்பகுதியில் உலாவி வரும் மரநாய்களை கண்டறிந்து வனத்துறையினர் பிடித்து காட்டுப்பகுதியில் விடுவதற்கு நடவடிக்கை எடுக்க வேண்டும் என மக்கள் வலியுறுத்தினர்.