பரமக்குடியில் 125 மாணவர்களுக்கு ரூ.1.84 கோடி கல்வி கடன் உதவி

பரமக்குடி: - பரமக்குடி அரசு கலைக் கல்லுாரியில் மாவட்ட முன்னோடி வங்கியின் சார்பில் நடந்த கல்வி கடன் மேளாவில், 125 மாணவர்களுக்கு ரூ. 1 கோடியே 84 லட்சம் கல்வி கடன்களை மாவட்ட கலெக்டர் சிம்ரன் ஜீத் சிங் காலோன் வழங்கினார். அப்போது ஒவ்வொரு மாணவரும் தங்களது லட்சியத்தை நிறைவேற்றும் வகையில் உயர்கல்வி பெற கல்வி கடன் உதவிகள் வங்கிகள் மூலம் வழங்கப்படுகிறது. மாவட்டத்தில் கடந்த ஆண்டு ரூ. 20 கோடி கல்வி கடன் வழங்கப்பட்டது. இந்த ஆண்டு 27 முகாம்கள் மூலம் இதுவரை 683 மாணவர்களுக்கு ரூ.16 கோடியே 27 லட்சம் கடன் உதவி வழங்கப்பட்டுள்ளது. பரமக்குடியில் 125 மாணவர்களுக்கு ரூ. 1 கோடியே 84 லட்சம் கடன் உதவி வழங்கப்படுகிறது. உங்கள் லட்சியங்கள் நிறைவேற உறுதுணையாக இருக்கும் என்றார். விழாவில் பரமக்குடி ஆர்.டி.ஓ., சரவணபெருமாள், மாவட்ட முன்னோடி வங்கி மேலாளர் கார்த்திகேயன், கல்லுாரி முதல்வர் ராஜா, உதவி மேலாளர் அசோக் மற்றும் அனைத்து வங்கி மேலாளர்கள் அரசு அலுவலர்கள் மாணவர்கள், பெற்றோர்கள், மாணவர்கள் பங்கேற்றனர்.