விவசாயிகளுக்கு கருத்தரங்கம்

கமுதி: கமுதி வேளாண்மை உற்பத்தியாளர்கள் கூட்டுறவு விற்பனை சங்கத்தில் சேமிப்பு கிடங்கு மேம்பாட்டு ஒழுங்குமுறை ஆணையம் சார்பில் விழிப்புணர்வு கருத்தரங்கம் நடந்தது. கூட்டுறவு விற்பனை சங்க செயலாளர் ப்ரீத்தி தலைமை வகித்தார். கூட்டுறவு மேலாண்மை பயிற்சி நிறுவனம் இயக்குனர் சத்தியகுமார், விரிவுரையாளர் அழகுபாண்டியன் முன்னிலை வகித்தனர். கூட்டுறவு சார்பதிவாளர் வேல்முருகன் வரவேற்றார். கிடங்கு மேம்பாட்டு ஒழுங்குமுறை ஆணையம் மாதேஸ்வரன் கூறியதாவது: விவசாயிகள் விளை பொருட்களை ஒரே நேரத்தில் விற்பனை செய்யாமல் கூட்டுறவு விற்பனை சங்கங்களில் உள்ள கிடங்குகளில் சேமித்தல், பதப்படுத்துதல், மதிப்பு கூட்டி நல்ல விலை கிடைக்கும் போது விற்பனை செய்ய வேண்டும். கிடங்குகளில் சேமித்து வைக்கப்பட்டுள்ள விளை பொருட்களை வணிகர்கள், அரிசி ஆலை உரிமையாளர்கள் கொள்முதல் செய்வதில் உள்ள பல்வேறு நன்மைகள் குறித்தும் எடுத்துரைத்தார். இங்கு நெல், மிளகாய், நவதானியம் 3600 டன் சேமித்து வைக்கப்படும் அளவிற்கு கிடங்குகள் உள்ளன. இதனை விவசாயிகள், வணிகர்கள் பயன் படுத்திக் கொள்ள வேண்டும். விவசாயிகள் புதிய கிடங்கு பதிவு செய்தல் குறித்தும் அறிவுறுத்தப்பட்டது என்றார். கள அலுவலர் சண்முகப்பிரியா, பொது மேலாளர் போஸ் உட்பட விவசாயிகள், வியாபாரிகள் கலந்து கொண்டனர்.