.11 லட்சம் பயனாளிக்கு வீடு தேடி ரேஷன் பொருள்

சேலம், நவ. : சேலம் மாவட்டத்தில், 70 வயதை கடந்த மூத்த குடிமக்கள், மாற்றுத்திறனாளிகள் சார்ந்த, 92,998 ரேஷன் கார்டு பயனாளிகளுக்கு, கடந்த ஆகஸ்ட், செப்டம்பரில், வீடு தேடி சென்று ரேஷன் பொருட்கள் வினியோகிக்கப்பட்டன. அக்டோபரில், 65 - 70 வயதை கடந்த, 17,267 பேர் சேர்க்கப்பட்டனர்.அவர்களுடன் சேர்த்து மாவட்டத்தில், முதல்வரின் தாயுமானவர் திட்டத்தில், 1,06,421 மூத்த குடிமக்கள், 3,844 மாற்றுத்திறனாளி ரேஷன்கார்டுதாரர் என, 1,10,265 ரேஷன் கார்டு மூலம், 1,11,312 பயனாளிகள் பயன்பெறுகின்றனர். அவர்களுக்கு, 1,207 குழுவாக பிரித்து, 1,447 வாகனங்கள் மூலம், மாநகராட்சி, நகராட்சி பகுதியில், 70 கார்டுக்கு ஒரு வாகனம்; மலைப்பகுதிகளில், 50 கார்டுக்கு ஒரு வாகனம்; கிராம பகுதிகளில், 60 கார்டுக்கு ஒரு வாகனம் வீதம் பொருட்கள் எடுத்துச்செல்லப்பட்டு வினியோகிக்கப்படுகிறது. டிச., 2, 3ல் பொருட்கள் வினியோகம் செய்யப்படும். அதனால் ரேஷன் பொருட்களை, வீடுகளில் இருந்தபடி பயனாளிகள் பெற்றுக்கொள்ளலாம் என, கலெக்டர் பிருந்தாதேவி தெரிவித்துள்ளார்.