கஞ்சா கடத்திய 3 பேருக்கு சிறை

சேலம், ஹவுரா - பெங்களூரு ரயில், 2022, டிச., 22ல், ஜோலார்பேட்டை ஸ்டேஷனுக்கு வந்தபோது, போலீசார் நடத்திய சோதனையில், கேரள மாநிலம் ஆலப்புழா, கோமளபுரத்தை சேர்ந்த ஷபி, 27, என்பவர், விற்பனைக்கு கடத்தி வந்த, 4 கிலோ கஞ்சாவுடன் பிடிபட்டார். வழக்கு பதிவு செய்து, அவரை கைது செய்த போலீசார், கஞ்சாவை பறிமுதல் செய்தனர். இந்த வழக்கு சேலம் போதை பொருள் தடுப்பு சிறப்பு நீதிமன்றத்தில் நடந்தது. அதில் ஷபிக்கு, 35 மாத சிறை தண்டனை, 5,000 ரூபாய் அபராதம் விதித்து, நீதிபதி ராமகிருஷ்ணன், நேற்று உத்தரவிட்டார்.அதேபோல் வேலுார் போதை பொருள் நுண்ணறிவு பிரிவு போலீசார், 2022 ஏப்., 19ல், காட்பாடி கிறிஸ்டியன் சுங்கச்சாவடியில், சோதனை செய்த போது, அந்த வழியே வந்த ஆந்திரா மாநிலம் விசாகப்பட்டினம், மத்தாராவை சேர்ந்த ராம்பாபு, 27, என்பவரிடம் 10 கிலோ கஞ்சா இருந்தது. கஞ்சாவை பறிமுதல் செய்த போலீசார், ராம்பாபுவை கைது செய்தனர். இந்த வழக்கில் அவருக்கு, 43 மாத சிறை தண்டனை, 5,000 ரூபாய் அபராதம் விதித்து, நீதிபதி உத்தரவிட்டார்.மேலும் ஆம்பூர் ரயில்வே ஸ்டேஷன் எதிரே, 2023 ஜூலை, 25ல், மதுவிலக்கு போலீசார் சோதனை செய்தபோது, பெங்களூருவை சேர்ந்த அணில் குமார், 29, ஒரு கிலோ கஞ்சா, 65 கஞ்சா சாக்லேட்டுகளுடன் பிடிபட்டார். அவருக்கு, 2 மாத சிறை தண்டனை, 5,000 ரூபாய் அபராதம் விதித்தநீதிபதி ராமகிருஷ்ணன் உத்தரவிட்டார்.