மகளிர் விடியல் பயண பஸ்கள் அமைச்சர் துவக்கிவைப்பு

சேலம், புதிதாக, 10 பி.எஸ்., - 6 மகளிர் விடியல் பயண பஸ்கள், 8 டவுன் பஸ்கள் தட மாற்றம், 12 டவுன் பஸ்கள் தட மாற்ற நீட்டிப்பு, இரு புறநகர் பஸ், ஒரு டவுன் பஸ் ஆகியவை, 3 ஸ்டாப்புகளில் நின்று செல்லும் சேவைகளை, அமைச்சர் ராஜேந்திரன், நேற்று, சேலம், பழைய பஸ் ஸ்டாண்டில் இயக்கி வைத்தார்.தொடர்ந்து அவர் கூறியதாவது: சேலம் மாவட்டத்தில் தமிழ்நாடு அரசு போக்குவரத்துக்கழகம் சார்பில் இதுவரை, 173 பி.எஸ்., 6 டவுன் பஸ்கள் தொடங்கி வைக்கப்பட்டுள்ளது. சேலம், நாமக்கல், தர்மபுரி, கிருஷ்ணகிரி, திருப்பத்துார் உள்ளிட்ட கோட்டங்களில், 180 மகளிர் விடியல் பஸ்கள், 195 புறநகர் பஸ்கள் என, 375 பஸ்கள் இயக்கி வைக்கப்பட்டுள்ளன. மகளிர் விடியல் பயண திட்டத்தில், 42.46 கோடி பயணங்கள் மேற்கொள்ளப்பட்டுள்ளன.மேலும் பணி காலத்தில் இறந்த போக்குவரத்து பணியாளர்களின் வாரிசுகள், 22 பேருக்கு, டிரைவர், கண்டக்டர் பணிக்கான ஆணை வழங்கப்பட்டுள்ளது. இவ்வாறு அவர் கூறினார்.கலெக்டர் பிருந்தாதேவி, மாநகராட்சி மேயர் ராமச்சந்திரன், கோட்ட நிர்வாக இயக்குனர் குணசேகரன் உள்பட பலர் பங்கேற்றனர்.