சாலைக்கிராமம்--சருகணி ரோடு சேதம்

இளையான்குடி: இளையான்குடி அருகே சாலைக்கிராமத்தில் இருந்து சருகணி செல்லும் ரோடு கரடு, முரடாக ஆங்காங்கே குண்டும் குழியுமாக இருப்பதால் வாகன ஓட்டிகள் அவதிக்குள்ளாகின்றனர். இளையான்குடி அருகே சாலைக்கிராமத்திலிருந்து சருகணி செல்லும் ரோட்டில் கலங்காதான்கோட்டை ஊராட்சிக்குட்பட்ட கல்லனி,வீரன் திடல், உதயனுார் செல்லும் தார் ரோடு மிகவும் குண்டும், குழியுமாக கற்கள் பெயர்ந்து காணப்படுகிறது.இதனால் வாகன ஓட்டிகள் இந்த ரோட்டில் செல்ல முடியாமல் சிரமத்திற்கு உள்ளாகின்றனர். விவசாய பணிகளும் முழு வீச்சில் நடந்து வரும் நிலையில் பயிர்களுக்கு தேவையான உரம் மற்றும் இடு பொருட்களை கொண்டு செல்ல முடியாமல் அவதிப்படுகின்றனர்.