அண்ணனை கொன்ற தம்பிக்கு ஆயுள்

தேனி: தேனி மாவட்டம் ஆண்டிபட்டி தாலுகா சீலமுத்தையாபுரம் விவசாயி பெருமாள் 53. இவர் விவசாயம் செய்து வரும் நிலத்தில், தனக்கும் பங்கு வேண்டும் என தம்பி அய்யனார் 36, அடிக்கடி தக ராறில் ஈடுபட்டு வந்தார். 2024 அக்.,21ல் நிலத்தில் நடந்து சென்ற பெருமாளை அய்யனார், இரும்பு மண் வெட்டியால் தலையின் பின்பகுதியில் வெட்டினார். இதில் பலத்த காயத்துடன் பெருமாள் மயங்கி கீழே விழுந்தார். பின் அய்யனாரை தட்டிக்கேட்ட மலைச்சாமிக்கு கொலை மிரட்டல் விடுத்து தப்பிச் சென்றார். சம்பவ இடத்திலேயே பெருமாள் பலியானார். மலைச்சாமி புகாரில் வருஷநாடு போலீசார் அய்யனாரை கைது செய்தனர். இந்த வழக்கு விசாரணை தேனி முதன்மை மாவட்ட நீதி மன்றத்தில் நடந்தது. அரசு வழக்கறிஞர் பாஸ்கரன் ஆஜரானார். நேற்று விசாரணை முடித்து அய்யனாருக்கு ஆயுள் தண்டனை, ரூ.5 ஆயிரம் அபராதம் விதித்து நீதிபதி சொர்ணம் ஜெ. நடராஜன் தீர்ப்பளித்தார்.