போலீசார் கைப்பற்றிய வாகனங்கள்  டிச.9ல் ஏலம்

தேனி: மாவட்டத்தில் சட்டம் ஒழுங்கு, மதுவிலக்கு வழக்குகளில் போலீசாரால் கைப்பற்றப்பட்ட 25 டூவீலர்கள், மூன்று 3 சக்கர வாகனங்கள், இரண்டு 4 சக்கர வாகனங்கள் தேனி மாவட்ட ஆயுதப்படை மைதான காப்பகத்தில் உள்ளன. இங்கு டிச.9ல் காலை 10:30 மணிக்கு தேனி எஸ்.பி.,சினேகாபிரியா, ஏ.டி.எஸ்.பி.,க்கள் கலைக்கதிரவன், ஜெரால்டு அலெக்ஸ்சாண்டர், கலால்துறை உதவி ஆணையர், அரசு தானியங்கி பணிமனையின் மண்டல துணை இயக்குனர் முன்னிலையில் பொது ஏலம் நடக்க உள்ளது. ஏலம் கோர விரும்புவோர் டெபாசிட் டூவீலர்களுக்குரூ.2 ஆயிரம் செலுத்தி ஏலம் கோர வேண்டும். ஏலத்தொகையுடன் ஜி.எஸ்.டி., வரியும் ெலுத்த வேண்டும். ஏலம் கோர விரும்புவோர் காலை 10:00 மணிக்கு நேரில் ஆஜராகி டோக்கன் பெற்று ஏலம் எடுக்க வேண்டும். ஏலம் நடக்கும் நாளுக்கு முன் ஆயுதபடை மைதானத்தில் வாகனங்களை பார்வையிட்டு ஏலத்தில் பங்கேற்கலாம் என எஸ்.பி., சினேஹாபிரியா தெரிவித்துள்ளார்.