மினி வேன் மோதி விபத்து 2 வயது குழந்தை படுகாயம்

ஆர்.கே.பேட்டை: திருமண விழாவிற்கு தாத்தாவுடன் சென்ற குழந்தை, மினி வேன் மோதி படுகாயம் அடைந்தது. ஆர்.கே.பேட்டை அடுத்த காண்டாபுரத்தைச் சேர்ந்தவர் கலையரசன். கலையரசனின் தந்தை கோபால், நேற்று முன்தினம் ஆர்.கே.பேட்டையில் நடந்த திருமண விழாவிற்கு சென்றார். அவருடன், கலையரசனின் 2 வயது குழந்தையையும் அழைத்துச் சென்றார். திருமண மண்டபத்திற்கு நடந்து சென்று போது, எதிரே வந்த மினி வேன் குழந்தை மீது மோதியது. இதில், படுகாயமடைந்த குழந்தை, திருத்தணியில் உள்ள தனியார் மருத்துவ மனையில் சேர்க்கப்பட்டார். மேல் சிகிச்சைக்காக, சென்னை தனியார் மருத்துவ மனையில் சேர்க்கப் பட்டார். ஆர்.கே.பேட்டை போலீசார் விசாரித்து வருகின்றனர்.