போலீசுக்கு தொந்தரவு போதை நபருக்கு 3 ஆண்டு சிறை

பூந்தமல்லி: வளசரவாக்கம் அருகே ராமாபுரம், திருவள்ளூர் சாலையில் உள்ள அங்காள பரமேஸ்வரி அம்மன் கோவிலில், 2023ம் ஆண்டு திருவிழா நடந்தது. அங்கு பாதுகாப்பு பணியில் ஈடுபட்டிருந்த 22 வயதான பெண் போலீசை, அதே பகுதியைச் சேர்ந்த கண்ணன், 47, என்பவர் மது போதையில் பாலியல் சீண்டல் செய்தார். இது குறித்து வழக்கு பதிந்த ராமாபுரம் போலீசார், கண்ணனை கைது செய்து சிறையில் அடைத்தனர். இந்த வழக்கு பூந்தமல்லியில் உள்ள குற்றவியல் நடுவர் நீதிமன்றம் - 1ல் நடந்து வந்தது. இதில் குற்றவாளி கண்ணன் மீது குற்றச்சாட்டு நிரூபிக்கப்பட்டதால் அவருக்கு மூன்று ஆண்டு கடுங்காவல் தண்டையும், 5,000 ரூபாய் அபராதமும் விதித்து, நீதிபதி அமுதா, நேற்று முன் தினம் தீர்ப்பு வழங்கினார்.