மகளிர் கிரிக்கெட் தேர்வுக்கு அழைப்பு

திருவள்ளூர் மாவட்ட கிரிக்கெட் சங்கம் சார்பில், பிரேயர் மகளிர் கிரிக்கெட் லீக் போட்டிகள், டிச., மாதம் துவங்க உள்ளன. மொத்தம் ஆறு அணிகள் பங்கேற்கின்றன. இதற்கான தேர்வு போட்டி, வரும் 30ம் தேதி பட்டாபிராம், இந்து கல்லுாரியில் காலை 7:00 மணிக்கு நடக்க உள்ளது. திருவள்ளூர் மாவட்டத்தை சேர்ந்த 13 வயதுக்கு மேற் பட்டோர் பங்கேற்கலாம். ஆதார் அட்டை, பாஸ்போர்ட் அளவு புகைப்படத்துடன், தேர்வு போட்டி நடக்கும் இடத்தில் நேரடியாக பங்கேற்கலாம் என, திருவள்ளூர் மாவட்ட கிரிக்கெட் சங்கம் தெரிவித்துள்ளது. கல்லுாரி பணியாளர்களுக்கான கிரிக்கெட் இன்று துவக்கம் சென்னை விநாயக மிஷன் ரிசர்ச் பவுண்டேஷன் நிகர்நிலை பல்கலை சார்பில், வேந்தர் ஏ.எஸ்.கணேசன் கோப்பைக்கான கிரிக்கெட் போட்டி, இன்று பையனுார் வளாகத்தில் துவங்குகிறது. கல்லுாரி பணியாளர்களுக்கான இக்கிரிக்கெட் போட்டியில் மொத்தம் 36 அணிகள் பங்கேற்கின்றன. 'நாக் அவுட்' முறையில், வார இறுதி நாட்கள் மற்றும் விடுமுறை நாட்களில் மட்டுமே போட்டிகள் நடக்க உள்ளன.