எஸ்.ஐ.ஆர்., படிவம் பூர்த்தி செய்ய இன்றும், நாளையும் சிறப்பு முகாம்

திருவள்ளூர்: திருவள்ளூர் மாவட்டத்தில், எஸ்.ஐ.ஆர்., படிவம் பூர்த்தி செய்து அளிக்க, இன்றும், நாளையும் சிறப்பு முகாம் நடக்கிறது. திருவள்ளூர் கலெக்டர் பிரதாப் வெளியிட்டுள்ள செய்திக்குறிப்பு: திருவள்ளூர் மாவட்டத்தில் உள்ள 10 சட்டசபை தொகுதிகளிலும், வாக்காளர் பட்டியல்சிறப்பு தீவிர திருத்தம் நடைபெற்று வருகிறது. வாக்காளர் அனைவரும், தங்களுக்கு வழங்கப்பட்ட கணக்கெடுப்பு படிவத்தை பூர்த்தி செய்து வழங்க, டிச., 4 வரை அவகாசம் இருப்பினும், அதுவரை காத்திருக்காமல், அதற்குள் ஓட்டுச்சாவடி நிலைய அலுவலரிடம் வழங்க வேண்டும். மேலும், கணக்கெடுப்பு படிவத்தை பூர்த்தி செய்வதில் சந்தேகம் இருப்பினும், 10 தொகுதிகளிலும் உள்ள ஓட்டுச்சாவடி மையங்களில், இன்று மற்றும் நாளை காலை 9:00 - மாலை 5:00 மணி வரை, உதவி மையம் செயல்பட உள்ளது. இதை, வாக்காளர்கள் பயன்படுத்தி படிவத்தை பூர்த்தி செய்து, அதே மையங்களில் ஓட்டுச்சாவடி நிலைய அலுவலரிடம் அளிக்கலாம். திரும்ப அளிக்காதோரின் பெயர், டிச., 9ல் வெளியிடப்படும். வரைவு வாக்காளர் பட்டியலில் இடம்பெறாது. இவ்வாறு அதில் கூறப்பட்டுள்ளது.